کراچی ( سٹاف رپورٹر) کلبز کمپیٹشن باکسنگ پروگرام 2 مقا بلے 24نومبر شہید زاھد حسین بلوچ باکسنگ کلب علی نواز بلوچ بغدادی لیاری میں ہوئے جس کے مہمان خصوصی سماجی رہنما شہید زاھد حسین باکسنگ کلب کے چیئر مین دوست محمد بھٹو تھے ۔ تقریب تقسیم انعامات کے موقع پر انہوں نے کہا کہ مجھ سے جو ہوسکتا ہے میں باکسنگ کیلئے کرتا رہونگا اور مستقبل میں باکسنگ مقابلوں کی تیاری کیلئے محنت جاری رکھنے کی تاکید کی ۔ اس پروگرام کے آرگنائزر قومی کوچ عبدالستار بلوچ تھے جنہوں نے باکسر اور باکسنگ کے حالات پر روشنی ڈالی۔ اس موقع پر کراچی ساؤتھ کے سیکرٹری نور محمد قمبرانی ،انٹر نیشنل باکسر عبدالرؤف قریشی، عزیز ڈاڈا،جاوید خان ،مشتاق سر، یونس قمبرانی،نوشاد احمد، اسد اسماعیل ، نیاز احمد ،جون ، کلیم اللہ ،محمد یاسین بھی موجود تھے ۔ریفری ججز کے فرائض جمیل احمد ،محمد فیصل ، محمد اشرف اور اسلم پرویز نے ادا کئے ۔اس پروگرام میں کراچی کے مختلف کلبوں کے 30با کسروں نے شرکت کی۔
