پشاور(جسارت نیوز)آل پاکستان جونیئر اسکواش چیمپئن شپ 2 سے 7 دسمبر تک پشاور کے پی اے ایف ہاشم خان اسکواش کمپلیکس میں منعقد کرنے کا فیصلہ کیا گیا ہے چیمپئن شپ کے لئے تیاریاں مکمل کی جا رہی ہیں اس سلسلے میں خیبرپختونخوا اسکواش ایسوسی ایشن کے صدر قمرزمان نے میڈیا سے بات چیت کرتے ہوئے بتایا کہ چیمپئن شپ میں انڈر15 اور انڈر17 کیٹیگریز کے مقابلے منعقد ہوں گے کوالیفائنگ رائونڈ 2 سے3 دسمبر تک منعقد ہونگے جبکہ مین رائونڈ 4سے 7 دسمبر تک منعقد ہونگے جس کے لئے انعامی رقم 2 لاکھ روپے مقرر کی گئی ہے ایک سوال کے جواب میں اسکواش لیجنڈ قمرزمان نے کہا کہ کوالیفائنگ رائونڈ میں 32 کھلاڑی شرکت کررہے ہیں جبکہ مین رائونڈ میں 16 کھلاڑی حصہ لیں گے جس میں 11کھلاڑی براہ راست ‘ایک وائلڈ کارڈ اور 4 کوالیفائنگ رائونڈ سے کھلاڑی شامل ہو ں گے ۔
