لاڑکانہ(نمائندہ جسارت) قنبر شہدادکوٹ ضلع کے شہر گاجی کھاوڑ میں مبینہ طور پر گھریلو ناچاقی پر 28 سالہ شادی شدہ خاتون فرزانہ زوجہ محمد فرید کھاوڑ نے زہر کھاکر خودکشی کی کوشش کی جسے ورثا نے بے ہوشی کی حالت میں چانڈکا اسپتال کے شعبہ حادثات منتقل کیا جہاں زہر جسم میںپھیلنے کے باعث خاتون دم توڑگئی۔ اس موقع پر خاتون کے شوہر محمد فرید کھاوڑ نے بتایا کہ میری بیوی فرزانہ نے گھریلو ناچاقی پر گھر کے کمرے میں زہر کھاکر خودکشی کی کوشش کی جسے اسپتال منتقل کیا تاہم وہ جانبر نہ ہوسکی جبکہ خاتون کی والدہ جیجان خاتون نے اپنی بیٹی کے سسرال والوں پر اسے قتل کرنے کا الزام عائد کرتے ہوئے مطالبہ کیا کہ معاملے کی شفاف تحقیقات کرواکر ملزمان کو گرفتار کیا جائے۔
