دادو( نمائندہ جسارت) استاد بخاری ڈگری کالج میں شہید بی بی بینظیر یونیورسٹی شہید بینظیرآباد کی جانب سے گریجویشن سطح پر طلبہ کیلیے ایک نیا فائدے مند پروگرام متعارف کرایا گیا۔ استاد بخاری ڈگری کالج دادو میں شہید بی بی بینظیر یونیورسٹی کی جانب سے گریجویشن سطح پر طلبہ کیلیے ایک نیا فائدے مند ایسوسی ایٹ ڈگری پروگرام کے متعلق آگہی دی گئی اور طالب علموں کیلیے فائدے مند قرار دیا گیا۔ شہید بی بی بینظیر یونیورسٹی کی وائس چانسلر نے تقریب سے خطاب کرتے کہاکہ طلبہ اعلیٰ ڈگری آسانی سے حاصل کرسکیں گے جبکہ اساتذہ کو بھی جدید سائنسی طریقے سے تدریسی عمل چلانے میں آسانی ہوگی ۔تقریب میں سندھ کے 9 کالجز کے پروفیسر ، اساتذہ عباس علی بھٹی، نذیر بھٹو ،پروفیسر غلام سرور عباسی اور تعلیمی ماہر محمد سلام میمن و دیگر نے شرکت کی۔
