پشاور(نمائندہ خصوصی)قیوم اسپورٹس کمپلیکس کے پی ایس بی جمنازیم میں منعقدہ والی بال کے خواتین مقابلوں میں ہائیر ایجوکیشن کمیشن کی ٹیم نے سندھ کو 3-0سے یعنی 25.15،25-11،25-15کے اسکور سے شکست دی، واپڈا کی ٹیم پنجاب کو آئوٹ کلاس کرنے میں کامیاب رہی واپڈا نے 25-7، 25-7 اور 25-10کے اسکور سے فتح سمیٹی پاکستان آرمی نے میزبان کے پی کے کو شکست سے دو چار کیا آرمی نے تینوں گیمز میں25-8،25-8،25-8کے مارجن سے کامیابی اپنے نام کی اسی طرح مردوں کے والی بال مقابلوں میں پاکستان ائیر فورس نے ایک دلچسپ ، سنسنی خیز اور اعصاب شکن مقابلے کے بعد دو کے مقابلے میں تین گیمز سے کے پی کے، کے خلاف فتح پائی شروع کی تین گیمز میں کے پی کے کی ٹیم 2-1سے لیڈ کر رہی تھی لیکن چوتھی اور پانچویں گیم میں بہتر اسٹیمنا اور مہارت کی بدولت پی اے ایف کی ٹیم 15-25، 19-25، 29-27، 25-15 اور 15-10 سے سرخرو پائی۔
