قومی کھیل ، باسکٹ بال کا آغاز ، آرمی واپڈا ، پنجاب اور پی اے ایف کی برتری

پشاور(نمائندہ خصوصی) 33ویں قومی گیمز میں باسکٹ بال مقابلے جاری ہیں جن میں خواتین میں پاکستان آرمی اور پاکستان واپڈا جبکہ مردوں میں پی اے ایف، پنجاب، آرمی اور واپڈا کی ٹیموں نے کامیابیوں کے اپنے سفر کو جاری رکھا۔خواتین باسکٹ بال میچوں میں پاکستان آرمی نے بلوچستان کو مکمل آوٹ کلاس کرتے ہوئے 92-03 کے واضح ترین مارجن سے شکست سے دو چار کیا آرمی کی پونم 20 اسکور کرنے میں کامیاب رہیں جبکہ پاکستان واپڈا نے کے پی کے کو یکطرفہ مقابلے کے بعد 108-15کے اسکور سے مات دی واپڈا کی آمنہ22 کے انفرادی اسکور کے ساتھ نمایاں اسکورر رہیں اسی طرح مردوں کے باسکٹ بال مقابلوں میںُ پاکستان آرمی نے کے پی کے کو 114-49کے اسکور سے ہرایا ۔