کراچی (اسٹاف رپورٹر)36ویں نیشنل جونیئر ہاکی چیمپین شپ 28 نومبرسے 8 دسمبر 2019 تک نیشنل ہاکی اسٹیڈیم لاہورمیں منعقد ہورہی ہے۔اس چیمپین شپ میں تمام صوبائی اور ڈیپاڑٹمنٹل ٹیمیں حصہ لیں گی۔اس چیمپین شپ میں یکم جنوری 1999 کو یا اس کے بعد پیدا ہونے والے کھلاڑی حصہ لینے کے اہل ہوں گے۔ پی ایچ ایف نے کھلاڑیوں کی عمر کی تصدیق اور جانچ پڑتال کے لئے “ایج کریڈینشل چیک کمیٹی” اور مقامی نادرا کے عملے کا تقرر کیا ہے۔
