شہداد پور (نمائندہ جسارت) شہداد پور سانگھڑ روڈ پر تیز رفتار موٹر سائیکل اور کار میں ٹکر لگنے سے 3 افراد زخمی، سمس اسپتال شہداد پور منتقل۔ شہدادپور سانگھڑ روڈ چھنڈن موری کے قریب تیز رفتار کار اور موٹر سائیکل کی آمنے سامنے ٹکر لگنے سے موٹر سائیکل پر سوار شیو بھیل، لچھمن بھیل اور لال بھیل شدید زخمی ہوگئے۔ جنہیں تشویشناک حالت میں سمس اسپتال شہدادپور منتقل کیا گیا جہاں سے ایک زخمی لال بھیل کو تشویشناک حالت میں حیدرآباد منتقل کر دیا گیا۔جبکہ کار سوار موقع کا فائدہ اٹھاتے ہوئے فرار ہوگیا۔
