شیخوپورہ (آئی این پی)مسافروں سے بھری وین ٹائر پھٹنے سے تیز رفتاری کے باعث بے قابو ہو کر الٹ گئی جس سے ایک مسافر موقع پر جاں بحق جبکہ16 مسافر شدید زخمی ہو گئے ۔بتایا گیا ہے کہ جی ٹی روڈ مریدکے پر کھوڑی سٹاپ کے قریب تیز رفتار مسافر وین کا ٹائر پھٹنے سے بے قابو ہو کر گئے جس کے نتیجے میں وین میں سوار ایک مسافر زخموں کی تاب نہ لاتے ہوئے موقع پر جاں بحق ہوگیا جبکہ16 مسافر شدید زخمی ہو گئے جنہیں اطلاع ملنے پر ریسکیو 1122 کی امدادی ٹیموں نے موقع پر پہنچ کر زخمی زخمیوں کو طبی امداد دینے کے بعد مقامی اسپتال داخل کروا دیا اور جاں بحق ہونے والے شخص کی لاش کو پولیس کے حوالے کر دیا۔
