لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے سنگین نوعیت کے مقدمے میں روپوش و مطلوب 4 ملزمان کو گرفتار کرکے اسلحہ اور چوری شدہ بھینس برآمد کرلیں۔ رتو ڈیرو پولیس نے دوران گشت شاہ جو لاڑو کے قریب مقابلے میں دو ملزمان لعل بخش عرف لالو جلبانی اور ارباب عرف بابر جلبانی کو پستول اور گولیوں سمیت، رشید وگن پولیس نے دوران چیکنگ روپوش ملزم علی مراد تنیو اور مطلوب ملزم الطاف گوپانگ کو گرفتار کرلیا ہے۔ دوسری جانب عاقل پولیس نے چوری شدہ بھینس برآمد کروا کر مالک محمد شریف کے حوالے کردی ہے۔
