ڈیرہ اسماعیل خان(صباح نیوز) ڈیرہ اسماعیل خان کے نواحی علاقے در انب خورد میں دھماکے سے 3 بچے جاں بحق ہوگئے ہیں۔ دھماکہ کھلونا بم کے پھٹنے سے ہوا۔ پولیس کا کہنا ہے کہ جاں بحق ہونے والے بچوں کی عمریں 5سے 9 سال کے درمیان ہیں اور وہ آپس میں بہن بھائی ہیں۔پولیس ذرائع نے بتایا کہ ابتدائی اطلاعات میں یہ بات سامنے آئی ہے کہ جاں بحق ہونے والے بچوں کے والد صفدر اقبال لاعلمی میں کھلونا بم گھر لے آئے تھے جس سے بچے کھیل رہے تھے کہ وہ اچانک پھٹ گئے۔ دوسری جانب ڈیرہ اسماعیل خان کے علاقے رازندہ کے قریب ٹریکٹر ٹرالی بے قابوہوکر الٹ گئی ، ٹریکٹر ٹرالی پرسوار خانہ بدوش پوندہ قبیلے کے ایک ہی خاندان کے 2خواتین سمیت 3 افراد جاں بحق ،خواتین اور بچوں سمیت 10سے زائد افراد شدید زخمی ہوگئے ،زخمیوں تشویشناک حالت میں ڈسٹرکٹ اسپتال ڈیرہ منتقل کردیاگیا ۔
