لاہور(مانیٹرنگ ڈیسک ) سروسز ہسپتال میں زیر علاج سابق وزیر اعظم نواز شریف نے پیپلزپارٹی کے چیئرمین بلاول زرداری سے ملنے سے انکار کر دیا ہے۔ بلاول نے نواز شریف کی عیادت کے لیے ملاقات کی خواہش ظاہر کی تھی لیکن مسلم لیگ نون کے رہنما نے ان سے ملنے سے انکار کر دیا ہے۔ نجی ٹی وی نے اپنے ذرائع کے حوالے سے بتایا ہے کہ بلاول کی جانب سے گزشتہشام کے لیے ملاقات کا پیغام بھجوایا گیا تھا لیکن نون لیگ کا موقف تھا کہ ڈاکٹرز ملاقات کی اجازت نہیں دے رہے ہیں ۔دوسری جانب مریم نواز سمیت لیگی رہنما نواز شریف کی عیادت کرتے رہے۔پیپلز پارٹی کی قیادت حیرت زدہ ہے کہ ہفتے کے روز قمر زمان کائرہ پانچ رکنی وفد کے ساتھ نواز شریف کی عیادت کرنے گئے تھے لیکن ڈاکٹرز کو اعتراض نہ ہوا اس موقع پر مریم نواز اور شہباز شریف سے بھی پیپلز پارٹی کے وفد کی ملاقا ت ہوئی تھی لیکن اب پیپلز پارٹی کی قیادت بلاول زرداری کی ملاقات سے لیت و لعل پر حیر ت زدہ ہے کہ بلاول سے ملاقات سے نواز شریف کی ہچکچاہٹ کی وجہ حکومتی دبائو ہے یا مولانا فضل الرحمان سے معاملات ہیں کیوں کہ پیپلز پارٹی آزادی مارچ کو دھرنے کی شکل دینے کی مخالف ہے۔
ملاقات سے انکار
