ایبٹ آباد (جسارت نیوز) سکولز ٹورنامنٹ میںہائر سیکنڈری سکول نواں شہر کی ہاکی ٹیم ہائی سکول میر پور کو ایک کے مقابلے میں چار گول سے شکست دے کر ڈسٹرکٹ چمپئن شپ کے سیمی فائنل میں پہنچ گئی۔ ڈسٹرکٹ چمپئن شپ کا پہلاکواٹرفائنل میچ ہائی سکول دھمتوڑ کی گراوَنڈ میں کھیلا گیا۔اس موقع پر ہاکی گراوَنڈکمیٹی کے انچارج پرنسپل ہائی سکول دھمتوڑ نذیر احمد ، ہائر سیکنڈری سکول نواں شہر کے پرنسپل طارق منیر دونوں ٹیموں کے انچارج کوچ اساتذہ اور شائقین ہاکی بھی بڑی تعداد میں موجود تھے۔میچ میں ہائر سیکنڈری سکول نواں شہر کی ٹیم کے کھلاڑی زبردست کھیل کا مظاہرہ کرتے ہوئے پوری گیم میں چھائے رہے۔
