ڈیرہ اسماعیل خان: پولیس موبائل کے قریب دھماکا، 3 اہلکار زخمی

ڈیرہ اسماعیل خان (آن لائن) ڈیرہ اسماعیل خان میںپولیس وین کے قریب دھماکے میں 3 اہلکار زخمی ہوگئے۔ ڈیرہ اسماعیل خان کی تحصیل کلاچی میں ہتھالہ روڈ پر پولیس وین کے قریب دھماکے میں 3 اہلکار زخمی ہوگئے۔ تفصیلات کے مطابق ڈیرہ اسماعیل خان میں دشت گردی کا سلسلہ نہ تھم سکا،  پولیس ذرائع کے مطابق پارلیمانی سیکرٹری و پی ٹی آئی کے رکن قومی اسمبلی شیخ محمد یعقوب کا کلاچی کے گاوں ہتھالہ میں جلسہ تھا، پولیس وین جلسے کی سیکورٹی انتظامات کے سلسلے میں کلاچی جا رہی تھی کہ ہتھالہ کے قریب پولیس وین پر دھماکا ہو گیا جس کے باعث 3 پولیس اہلکار زخمی ہوگئے۔ زخمی اہلکاروں کو مقامی اسپتال منتقل کر دیا گیا۔ واقعے کے بعد پولیس و سیکورٹی فرسز کی بھاری نفری موقع پر پہنچ گئی، پولیس نے علاقے میں سرچ آپریشن شروع کر دیا۔
ڈیرہ اسماعیل خان دھماکا