سراج الحق کا شہباز شریف کو فون، نواز شریف کی خیریت دریافت کی

لاہور ( نمائندہ جسارت) امیر جماعت اسلامی پاکستان سینیٹر سراج الحق نے مسلم لیگ ن کے صدر میاں شہباز شریف سے ٹیلی فون پر رابطہ کیا اور سابق وزیراعظم اور قائد مسلم لیگ میاں محمد نواز شریف کی صحت کے بارے میں دریافت کیا ۔ اس موقع پر میاں شہباز شریف نے کہاکہ ڈاکٹر سرتوڑ کوشش کر رہے ہیں کہ وہ بیماری کی اصل وجوہات دریافت کریں۔ڈاکٹرز ابھی تک میاں نواز شریف کی بیماری پر قابو نہیں پا سکے۔سیکرٹری اطلاعات جماعت اسلامی قیصر شریف کے مطابق امیر جماعت اسلامی سینیٹر سراج الحق نے میاں نواز شریف کی صحت کے لیے دعا اور نیک خواہشات کا اظہار کیاہے۔
شہباز کو فون