عمرکوٹ (نمائندہ جسارت) رحمدانی کرکٹ اکیڈمی کا اہم اجلاس میں فیصلہ کیا گیا کہ بینظیر بھٹو گولڈ کپ کرکٹ ٹورنامنٹ کروایا جائے گا۔ اس سلسلے میں اجلاس زیر صدارت ڈسٹرکٹ کرکٹ ایسوشین سیکرٹری اور صدر رحمدانی کرکٹ اکیڈمی رسول بخش رحمدانی کے منعقد ہوا۔ اجلاس میں عمرکوٹ کے کرکٹر اور عہدیداروں نے شرکت کی۔ اجلاس میں فیصلہ کیا گیا کہ تیسرا بینظیر بھٹو گولڈ کپ کرکٹ ٹورنامنٹ کروایا جائے گا، جس میں سندھ کرکٹ کی بہترین ٹیمیں حصہ لیں گی۔ ٹورنامنٹ عمرکوٹ ماروی گرائونڈ میں 27 نومبر کو شروع ہوگا، ماروی گرائونڈ عمرکوٹ کی آرائش و مرمت شائقین کے بیٹھنے کے لیے کام تیزی سے جاری ہے۔ اجلاس میں بتایا گیا کہ چیئرمن ضلع کونسل ڈاکٹر نور علی شاہ میونسپل کمیٹی چیئرمن حاجی خالد سراج سومرو ڈپٹی کمشنر عمرکوٹ ندیم الرحمن میمن نے بھرپور تعاون کا یقین دلایا گیا ہے۔
