ساہیوال (جسارت نیوز)مجاہدہاکی کلب ساہیوال کے زیراہتمام اسپورٹس ہاکی اسٹیڈیم میں ساہیوال ہاکی لیگ ٹورنامنٹ کے پہلے سیمی فائنل میں نیشنل ہاکی کلب نے پرنس ہاکی کلب 96/6-Rکو صفرکے مقابلہ میں1گول کرکے اور دوسرے سیمی فائنل میں مجاہد ہاکی کلب نے انڈر16 ڈسٹرکٹ ساہیوال کو صفر کے مقابلہ میں 2گول سے ہرا دیا۔ اس طرح جیتنے والی دونوں ٹیمیں فائنل میں پہنچ گئیں۔ میچوںکے مہمانان خصوصی سی ای او سلطان پولٹری ایسوسی ایٹس ڈاکٹر صادق محمود بندیشہ‘ صد ر ڈی ایچ اے ساہیوال انوارالحق چوہدری اور شیخ وحید احمد تھے۔ مہمانوںکا کھلاڑیوںکے ساتھ تعارف کرایاگیا ۔ ڈاکٹر صادق محمود بندیشہ نے کھلاڑیوںپر زوردیا کہ وہ ا سپورٹس مین سپرٹ کا مظاہرہ کرتے ہوئے کھیل کے میدان میں آگے بڑھیں ۔ ہار جیت کھیل کاحصہ ہوتی ہے اور ہارنے کے بعد کھلاڑیوںکو اپنی بھرپور پریکٹس جاری رکھتے ہوئے کھیل میں بہتری پیدا کرنی چاہیے۔ اس موقع پرصدر مجاہد ہاکی کلب محمدہارون بٹ نے بتایا کہ ساہیوال ہاکی لیگ کے انعقاد میں ڈسٹرکٹ اسپورٹس آفیسر ساہیوال چوہدری عبدالقیوم نے بھرپور تعاون کیاہے جس پر ہم ان کے مشکور ہیں۔
