بیجنگ (جسارت نیوز) سویڈن کی ٹینس اسٹار ریبیکا پیٹرسن اور تیونس کی اونز جابیئر تیانجن اوپن ٹینس ٹورنامنٹ ویمنز سنگلز سیمی فائنل میچ میں پہنچ گئیں۔ چین میں ڈبلیو ٹی اے ایونٹ میں کھیلے گئے ویمنز سنگلز کوارٹر فائنل میچ میں سویڈن کی ریبیکا پیٹرسن نے سخت مقابلے کے بعد میزبان کھلاڑی وانگ یفان کو پہلے سیٹ میں 6-7(5-7) کی شکست کے باوجود اگلے دونوں ا سٹریٹ سیٹس میں 6-4 اور 6-2 سے ہرا کر ایونٹ کا ٹاپ4 مرحلہ کھیلنے کا اعزاز حاصل کرلیا۔ تیونس کی اونز جابیئر نے بھی کوارٹر فائنل لائن عبور کر لی، انہوں نے کوارٹر فائنل میچ میں قزاقستان کی یولیا پیوٹنٹسوا کو 7-6 (7-5) اور 7-6 (7-4) سے زیر کر کے ٹورنامنٹ کا سیمی فائنل کے لئے کوالیفائی کرلیا۔
