ڈومینک تھیم ، اینڈی مرے اور اسٹیفا نوس چائنا اوپن ٹینس ٹورنامنٹ مینز سنگلز پری کوارٹر فائنل میں پہنچ گئے

بیجنگ(جسارت نیوز)آسٹریا کے ٹینس اسٹار اور ایونٹ کے ٹاپ سیڈڈ ڈومینک تھیم، انگلینڈ کے اینڈی مرے اور یونانی کے اسٹیفانوس چائنا اوپن ٹینس ٹورنامنٹ مینز سنگلز پری کوارٹر فائنل میں پہنچ گئے۔منگل کو چین میں جاری ایونٹ میں کھیلے گئے مینز سنگلز رائونڈ 32 میچز میں آسٹریا کے ڈومینک تھیم نے فرانس کے رچرڈ گیسکٹ کوا سٹریٹ سیٹس میں 6-4 اور 6-1سے ہرا کر ایونٹ کے پری کوارٹر فائنل کے لئے کوالیفائی کیا۔انگلینڈ کے نامور ٹینس اور اولمپک چیمپئن اینڈی مرے نے ٹینس کے میدانوں میں شاندار کم بیک کیا ہے، انہوں نے رائونڈ 32میچ میں اٹلی کے میٹیو بریٹینی کو 7-6 (7-2) ا ور 7-6(9-7) سے مات دیکر ٹاپ 16 تک رسائی حاصل کرلی۔ ایک اور میچ میں یونانی کھلاڑی اسٹیفانوس نے حریف سربین کھلاڑی دوثان لاجوویک کو پہلے سیٹ میں 4-6 کی شکست کے باوجود اگلے اسٹریٹ سیٹس میں 6-3 اور 6-4 سے مات دیکر ایونٹ کے پری کوارٹر فائنل تک رسائی حاصل کی۔