لاڑکانہ (نمائندہ جسارت) الیکشن کمیشن کی جانب سے پی ایس 11 پر ہونے والے ضمنی انتخاب کے لیے 12 امیدواروں کو انتخابی نشانات الاٹ کیے گئے ہیں، پی ایس 11 کے رٹرننگ آفیسر اور ڈسٹرکٹ الیکشن کمشنر کراچی سینٹرل محمد یوسف کی دستخط سے جاری کردہ امیدواروں کے انتخابی نشانات میں پاکستان پیپلز پارٹی امیدوار جمیل احمد سومرو کو تیر، گرینڈ ڈیموکریٹک الائنس کے معظم علی عباسی کو ستارہ، آزاد امیدواروں حاجی منور علی عباسی کو پینسل، حاجی شفقت حسین انڑ کو پتہ، ظفر انور کو پستول، عبدالحق کو سورج مکھی، بشیر احمد کو پنکھا، آفتاب سیال کو تتلی، کاظم علی خان کو ٹوتھ برش، غلام علی کو چترالی ٹوپی، ماجد علی بروہی کو بندوق اور علی مراد کو تالے کا نشان الاٹ کیا گیا ہے۔
