نیشنل باسکٹ بال چیمپئن شپ میں شرکت کیلیے ہزارہ ڈویژن کی ٹیم کے دو روزہ ٹرائلز آج شروع ہوں گے

ایبٹ آباد (جسارت نیوز) نیشنل باسکٹ بال چیمپئن شپ میں شرکت کیلئے ہزارہ ڈویژن کی ٹیمکے دو روزہ ٹرائلزآج سے شروع ہوں گے۔ ٹرائلز شام 4 تا 6 بجے سٹی اسپورٹس کمپلیکس ایبٹ آباد میں منعقد ہوں گے۔ ٹرائلز میں حصہ لینے والے خواہش مند کھلاڑی بروقت اپنی حاضری کو یقینی بنائیں۔ ہزارہ ڈویژن باسکٹ بال ایسوسی ایشن کے صدر رفیق خان نے بتایا کہ نیشنل باسکٹ بال چیمپئن شپ میں شرکت کیلئے ہزارہ ڈویژن باسکٹ بال ایسوسی ایشن کے زیراہتمام ہزارہ ڈویژن کی ٹیم کے انتخاب کیلئے دو روز ٹرائل آج اورکل ایبٹ آباد اسپورٹس کمپلیکس ایبٹ آباد میں شام 4 تا 6 بجے تک منعقد ہوں گے جس میں ہزارہ ڈویژن کے تمام اضلاع ہری پور، ایبٹ آباد، مانسہرہ، بٹگرام، کوہستان اور تورغر کی تمام ایسوسی ایشنز کے عہدیداران اور کھلاڑیوں کو مطلع کیا گیا۔