ٹھٹھہ (نمائندہ جسارت) گجو کے قریب ہالیجی لنک روڈ پر آر بی او ڈی سیم نالے میں سے ایک نامعلوم نوجوان خاتون کی لاش برآمد ہوئی، مقامی لوگوں کی اطلاع پر پولیس نے لاش سول اسپتال مکلی پہنچائی۔ پولیس کے مطابق خاتون کے جسم پر تشدد کے نشان موجود ہیں، شناخت نہ ہونے کی وجہ سے خاتون کی لاش ایدھی کے رضاکاروں کے حوالی کی گئی۔ براد آباد ریلوے اسٹیشن کے قریب بولان میل کی ٹکر سے چودہ سالہ نامعلوم بچہ جاں بحق ہوگیا۔ ریلوے پولیس نے لاش کوٹری پہنچا دی، جس کی شناخت تاحال نہ ہوسکی۔ معلوم ہوا ہے کہ بچہ ریلوے لائن کراس کررہا تھا کہ واقع پیش آیا۔
