نوابشاہ (سٹی رپورٹر) پولیس کا منشیات فروشوں اور جواریوں کیخلاف کریک ڈاؤن، 35 سے زائد ملزمان گرفتار، بڑی مقدار میں گھٹکا، کچی شراب، ماوا برآمد، گٹکا،مین پوری، اور ماوائے کا سامان تیار کرنے والی فیکٹری سے مشینری اور سامان قبضہ میں لے لیا گرفتار ملزمان پر مختلف تھانوں پر منشیات ایکٹ کے تحت مقدمات درج۔ ایس ایس پی تنویر حسین تنیو کی سخت ہدایت پر تھانہ ائر پورٹ، بی سیکشن اور اے سیکشن پولیس کے مختلف علاقوں میں چھاپے، جواریوں، چرس، کچی شراب اور مضر صحت مین پوری، گھٹکا، ماوا فروخت اور سپلائی کرنے والے35 سے زائد ملزمان کو گرفتار کرکے مختلف تھانوں پر مقدمات درج کردیے جبکہ تھانہ ائر پورٹ پولیس نے شہداد پور روڈ پر ایک مکان میں چھاپا مارکر مین پوری اور ماوا تیار کرنے کے لیے مشینری اور سامان برآمد کرلیا۔ جبکہ بی سیکشن اور اے سیکشن پولیس نے دھوبی گھاٹ، ڈبل روڈ، مہاجر کالونی، تاج کالونی سمیت متعدد علاقوں میں چھاپے مار کر منشیات فروشوں اور جواریوں کو گرفتار کرکے مقدمات درج کردیے۔
