اسلام آباد (جسارت نیوز) پاکستان ٹین پن بولنگ فیڈریشن کے زیراہتمام یکجہتی کشمیر ٹین پن بولنگ چیمپئن شپ 25 ستمبر سے لیڑر سٹی کلب جناح پارک راولپنڈی میں شروع ہو گی۔ پاکستان ٹین پن بولنگ فیڈریشن کے سیکرٹری جنرل اعجاز الرحمن نے بتایاکہ چیمپئن شپ کی تیاریاں زور و شور پر ہیں اور آزادی کپ ٹین پن بولنگ چیمپئن شپ اس بار کشمیر کے نام کی گئی ہے۔ انہوں نے کہا کہ ایونٹ میں ملک بھر سے نامور بولرز شریک ہوں گے اور چیمپئن شپ میں 8 مختلف کیٹگریز کے مقابلے منعقد ہوں گے جن میں مردوں اور خواتین کے سنگلز ڈبلز ، میڈیا، انٹراسکولز، انٹر کالجز اور انٹر یونیورسٹیز کے مقابلے شامل ہیں۔یہ چیمپئن شپ 29 ستمبر تک جاری رہے گی، چیمپئن شپ کے اختتام پر فاتح کھلاڑیوں میں انعامات اور ٹرافی تقسیم کی جائیں گی، انہوں نے کہا کہ چیمپئن شپ میں شرکت کی خواہش رکھنے والے کھلاڑی اپنی رجسٹریشن 23 ستمبر تک لیڑر سٹی کلب جناح پارک راولپنڈی میں کروا سکتے ہیں۔
