خورشید شاہ کی گرفتاری کیخلاف سندھ کے مختلف شہروں میں مظاہرے

سکھر (آن لائن) پی پی رہنما خورشید شاہ کی اسلام آباد میں گرفتاری کے خلاف سکھر، پنوعاقل، صالح پٹ، روہڑی میں کارکنان کا احتجاج،پنوعاقل میں کارکنان نے قومی شاہراہ پر احتجاج کرکے ٹریفک معطل کردی۔ پولیس نے موقع پر پہنچ کر قومی شاہراہ پرٹریفک بحال کرایا۔ تفصیلات کے مطابقنیب نے آمدن سے زائد اثاثے رکھنے کیالزام میں خورشید کو گزشتہ روز اسلام آباد سے گرفتار کیا ہے، خورشید شاہ کی گرفتاری کے خلاف جیالوں میں غم و غصہ کی لہر ہے جن کی جانب سے کوآپرئٹو سوسائٹی میں خورشید شاہ کی رہائش گاہ کے باہر احتجاجی مظاہرہ کیا گیا،صالح پٹ،روہڑی،باگڑجی میں بھی کارکنان نے پریس کلب کے سامنے احتجاجی مظاہرہ کیا اور نعرے بازی کی، پنوعاقل میں کارکنان احتجاج کرکے نے قومی شاہراہ کوچونگا چوک کے مقام پر ٹریفک کو معطل کردیا اس موقع پر کارکنان شدید نعرے بازی کرتے رہے تاہم پولیس نے موقع پر پہنچ کر قومی شاہراہ پر ٹریفک کو بحال کرایا، پولیس کی جانب سے ضلع بھر میں امن ا امان کی صورتحال یقینی بنانے کے لیے سیکورٹی کے سخت ترین انتظامات کیے گئے، سکھر سمیت پنوعاقل،صالح پٹ،روہڑی،باگڑجی میں پولیس کی نفری تعینات ہے۔
سندھ احتجاج