نوابشاہ (ڈسٹرکٹ پورٹر) دو مختلف حادثات میں دو بچے جاں بحق، ایک زخمی۔ قومی شاہراہ دینو مشین اسٹاپ پر تیز رفتار مسافر وین ڈرائیور کے قابو سے باہر ہوکر محرم کے سلسلے میں لگائی جانے والی سبیل میں جاگھسی جس کے نتیجے میں تیرا سالہ ماجد اوٹھو کچل کر موقع پر ہی جاں بحق جبکہ بارہ سالہ عمران اوٹھو شدید زخمی ہوا۔ دوسری جانب وین ڈرائیور فرار ہونے میں کامیاب ہوگیا۔ دوسرے حادثے میں نواب شاہ کے قریب گاؤں جان محمد انٹر کا رہائشی گیارہ سالہ بچہ قربان انٹر سائیکل سمیت نہر جمال شاہ میں جاگرا جو اسپتال جاتے ہوئے راستے میں دم گھٹنے سے جاں بحق ہوگیا۔
