کراچی (اسٹاف رپورٹر)کراچی کک باکسنگ ایسوسی ایشن کے زیر اہتمام “جشن آزادی کک باکسنگ ڈیمونسٹریشن “کا اہتمام نور اکیڈمی آف کک باکسنگ میں کیا گیا جس میں شہر کے معروف کک باکسنگ کلب کے کھلاڑیوں نے شرکت کی اور اپنی صلاحیتوں سے ثابت کیا کہ کراچی کے کک باکسر عالمی مقابلوں کے لئے تیار ہیں۔تقریب کے مہمان خصوصی عالمی ایوارڈ یافتہ اور سندھ کک باکسنگ کے چیئرمین ماسٹر محمد صدیق تھے جبکہ دیگر مہمانان گرامی میں سندھ کک باکسنگ ایسوسی ایشن کے صدر ماسٹر عبدالرحیم ،جنرل سیکریٹری سندھ وجاہت خان، سنیئر جوائنٹ سیکریٹری محمد۔فہد یاسین ،معروف تعلیم داں و کھیلوں کے سرپرست الانثار ایجوکیشنل ٹرسٹ کے سربراہ سر آصف رضا،آس نیوز کے سی ای او اویس رحمانی ,اینکر پرسن دانش مرزاکے علاوہ عرفان احمد، ماسٹر محمد یوسف،اقبال ٹائیگر،اعجاز سیال تھے۔ تقریب کیمیزبان چیف آرگنائزر کراچی کک باکسنگ پرویز عالم المعروف فیض خان اور کراچی کے جنرل سیکریٹری ماسٹر نور احمد تھے۔تقریب کے اختتام پر ڈیمونسٹریشن میں شامل تمام کک باکسروں کو تعریفی اسناد اور مہمانان گرامی کو یادگاری شیلڈ پیش کی گئی۔
