لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے سنگین نوعیت کے مقدمات میں ملوث اور مطلوب 13 ملزمان کو گرفتار کرکے اسلحہ، موٹرسائیکل، ایل سی ڈی، موبائل فونز اور نقدی برآمد کرلی۔ تفصیلات کے مطابق مارکیٹ پولیس نے دوران چیکنگ قتل کے مقدمے میں مطلوب ملزم صاحب برڑو کو پستول اور گولیوں سمیت، ائرپورٹ پولیس نے دوران چیکنگ قتل کے مقدمے میں مطلوب ملزم عباس ابڑو کو پستول اور گولیوں سمیت، حیدری پولیس نے جوئے کے اڈے پر چھاپا مارکر 11جواریوں صدام، خیرمحمد، دلمراد، محبت، فرید، غلام حسین، مکیش کمار، بلاول، اسداللہ، وقاص اور سرور کو نقدی، تین موبائل فونز اور ایل سی ڈی سمیت گرفتار کرلیا جبکہ سول لائن پولیس نے شہری صدام ہکڑو کی موٹرسائیکل برآمد کرکے مالک کے حوالے کردی ہے۔ پولیس کے مطابق گرفتار تمام ملزمان کے خلاف ایسے مقدمات درج کرکے تفتیش شروع کردی گئی ہے۔
