وزیرریلوے شیخ رشید احمد نے کہا ہے کہ ہم جنگ نہیں چاہتے مگرمودی دہشتگرد ہے،کسی نے پاکستان پرحملے کی کوشش کی تویہ آخری جنگ ہوگی۔
ننکانہ صاحب میں تقریب سے خطاب کرتے ہوئے وفاقی وزیر شیخ رشید نے کہا کہ عمران خان کی قیادت میں کشمیر کے ایشو کو پوری دنیا میں اجاگر کریں گے، کسی نے پاکستان پر حملہ آور ہونے کی کوشش کی تو یہ ہماری آخری جنگ ہو گی۔انھوں نے کہا کہ ہم امن پر عمل پیرا ہیں جبکہ بھارت تشدد کر رہا ہے، بھارت افغانستان میں امن نہیں چاہتا۔
دریں اثنا شیخ رشید احمد نے ننکانہ ریلوے سٹیشن کا نام تبدیل کر کے بابا گرو نانک ریلوے اسٹیشن رکھ دیا۔انہوں نے مزید کہا کہ لاہور سے شورکوٹ تک نئی ٹرین چلائی جائے گی جس کا نام بابا گورونانک ہو گا۔ ننکانہ ٹریک پر 2 ٹرینوں کے ساتھ بوگیوں کا اضافہ کر دیا جائے گا۔
