وفاقی وزیر ریلوے شیخ رشید کا کہنا ہے کہ مودی نے غلط کام کیا وہ بھارت اور دنیا کو گمراہ کرنے جارہاہے جب کہ ٹرمپ پاکستان اور بھارت دونوں کو دھوکا دے رہا ہے۔
راولپنڈی میں ہولی فیملی اسپتال کے دورے کے بعد میڈیا سے گفتگو کرتے ہوئے ان کا کہنا تھا کہ وزیراعظم عمران خان کی جدوجہد تاریخ کا حصہ ہے۔شیخ رشید احمد کا کہنا تھا کہ مسئلہ کشمیر عمران خان اور آرمی چیف جنرل قمر جاوید باجوہ کی وجہ سے حل ہو گا، بھارتی وزیراعظم نریندر مودی نے غلط کام کیا وہ بھارت اور دنیا کو گمراہ کرنے جا رہا ہے، اس وقت تک دم نہیں لیں گے جب تک کشمیر کو آزاد نہ کرا لیں۔
وفاقی وزیر کا کہنا تھا کہ آصف زرداری اگر بیمار ہے تو اس کو اسپتال منتقل ہونا چاہیے، مولانا فضل الرحمان سے ہماری اپیل ہے کہ ملکی حالت بہتر نہیں۔
