جعلی اکاؤنٹس کیس میں گرفتار سابق صدر اور پیپلزپارٹی کے شریک چیئرمین آصف زرداری کو میڈیکل بورڈ کی سفارش پر پمز اسپتال منتقل کر دیا گیا۔
سابق صدر اور پیپلز پارٹی کے شریک چیئرمین آصف زرداری کو معالجین کی رپورٹس کی روشنی میں اڈیالہ جیل سے پمز اسپتال منتقل کیا گیا ہے جہاں ان کے مختلف ٹیسٹ کیے گئے ہیں۔ترجمان پمز ڈاکٹر وسیم خواجہ کے مطابق 3 رکنی میڈیکل بورڈ نے آصف علی زرداری کا معائنہ کیا اور مختلف ٹیسٹ کیے۔
پمز اسپتال میں سیکیورٹی ہائی الرٹ کرکے پولیس کی بھاری نفری کو تعینات کیا گیا ہے جب کہ سابق صدر کو کارڈیک سینٹر میں وی آئی پی سیکیورٹی فراہم کی جائے گی۔
ذرائع کے مطابق آصف زرداری کو کمر کا شدید درد لاحق ہے جس کے باعث ان کی فزیو تھراپی کی جائے گی۔
