اسلام آباد (جسارت نیوز) پاکستان ا سکواش فیڈریشن کے زیراہتمام پاکستان انٹرنیشنل اسکواش ٹورنامنٹ مصحف اسکواش کمپلیکس، اسلام آباد میں شروع ہو گیا۔ پاکستان ا سکواش فیڈریشن کے سیکرٹری جنرل گروپ کیپٹن طاہر سلطان بتایا کہ ملک سے 48 کھلاڑی حصہ لے رہے ہیں جن24 مرد اور 24 خواتین کھلاڑی شامل ہیں، ٹورنامنٹ کے پر ی کوارٹر مقابلے آج کھیلے جائیں گے۔ کوارٹر فائنل مقابلے کل سیمی فائنل 29 اگست کو جبکہ فائنل مقابلے 30 اگست کو کھیلے جائیں گے اور ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے ٹورنامنٹ میں مرد وںکے لئے 10 ہزار ڈالر جبکہ خواتین کے لئے 5 ہزار ڈالر کی انعامی رقم رکھی گئی ہے۔
