کوئٹہ(نمائندہ جسارت)پاکستان کوسٹ گارڈز نے کارروائی کرتے ہوئے کروڑوں روپے مالیت کی منشیات برآمدکرکے ایک ملزم کو حراست میں لے لیاہے ۔ پاکستان کوسٹ گارڈزکے ترجمان کے مطابق سپر ہائی وے چیک پوسٹ (کراچی)سے 200 میٹر کے فاصلے پر جھاڑیوں میں چھپائی گئی 4کلو گرام اعلیٰ کوالٹی کی افیون برآمد کر لی۔ جبکہ ایک اور کارروائی کے دوران سپرہائی وے چیک پوسٹ پردوران چیکنگ پشاور سے کراچی آنے والی مسافر کوچ میں سوارایک مسافر سے 2کلو گرام حشیش برآ مدکرکے حراست میں لے لیا گیا۔ گرفتار ملزم سے مزید تفتیش جاری ہے۔
