سکھر (نمائندہ جسارت) سکھرکی سی سیکشن پولیس کی کارروائی، پولیس مقابلوں سمیت دیگر مقدمات میں مطلوب مفرور ملزم زین العابدین جانوری گرفتار، مقدمہ درج، پولیس ترجمان کے مطابق سی سیکشن پولیس کی جیل موڑ کے قریب دوران ناکہ بندی کارروائی، مفرور ملزم زین العابدین جانوری کو گرفتار کرلیا گیا۔ گرفتار ملزم پولیس مقابلوں سمیت دیگر مقدمات میں مطلوب تھا۔ پولیس کی دوران گشت ایک اور کارروائی، واردات کے ارادے سے کھڑے ملزم کو گرفتار کرلیا گیا۔ اسلحہ، مسروقہ موٹرسائیکل برآمد۔ مینارہ روڈ پر کارروائی کے دوران واردات کے ارادے سے کھڑے ملزم عبدالرزاق جانوری کو اسلحہ اور مسروقہ موٹر سائیکل سمیت گرفتار کرلیا۔ ملزم کے قبضے سے 30 بور پستول میگزین، گولیاں اور مسروقہ موٹر سائیکل برآمد کرکے مقدمہ درج کرلیا گیا۔
