واشنگٹن (جسارت نیوز) امریکا کی نامور ٹینس ا سٹار میڈیسن کیز نے سنسناٹی ماسٹرز ٹینس ٹورنامنٹ ویمنز سنگلز ایونٹ جیت لیا۔ انہوں نے فائنل میچ میں2 مرتبہ کی گرینڈ سلام چیمپئن حریف روسی کھلاڑی سوتیلاناکزنٹسوا کو شکست دیکر ٹائٹل اپنے نام کیا۔ امریکا میں ایونٹ میں کھیلے گئے ویمنز سنگلز فائنل میں امریکا کی میڈیسن کیز کا مقابلہ2 مرتبہ کی گرینڈ سلام چیمپئن روسی کھلاڑی سوتیلاناکزنٹسوا سے تھا جس میں میزبان کھلاڑی نے عمدہ کھیل پیش کرتے ہوئے سوتیلاناکزنٹسوا کو ٹائی بریک پر 7-5 اور 7-6(7-5) سے زیر کر کے ٹائٹل اپنے نام کرلیا۔ یہ ان کا دوسرا ڈبلیو ٹی اے ٹائٹل ہے جو انہوں نے اپنے نام کیا۔ اس سے قبل میڈیسن کیز نے سیمی فائنل میچ میں ہم وطن کھلاڑی سوفیا کینن کو شکست دے کر فائنل کیلئے کوالیفائی کیا تھا۔
