سکھر (نمائندہ جسارت) سکھر پولیس کی جانب سے سماجی برائیوں میں ملوث ملزمان کیخلاف ٹارگٹڈ آپریشن جاری ہے، شراب ڈیلرز گرفتار مقدمہ درج کرلیا گیا۔ پولیس ترجمان کی مطابق ڈی ایس پی سائٹ کی سربراہی میں حدود کے مختلف علاقوں، کھوسہ گوٹھ، سعیدآباد اور ملحقہ علاقوں میں سرچ آپریشن کارروائیوں کے دوران کچی شراب بنانے والی فیکٹریوں میں استعمال ہونے والے آلات بھاری مقدار میں شراب برآمد کر کے دو ملزمان کو گرفتار کرلیا گیا۔ ملزمان کے قبضے سے 2300 لیٹر کچی شراب برآمدکی گئی۔ گرفتار ملزمان میں اللہ بخش، شاہ بیگ شامل ہیں، ایس ایس پی سکھر نے پولیس پارٹی کی کامیاب کارروائی پر شاباشی کا پیغام دیا ہے۔
