لاڑکانہ (نمائندہ جسارت) سابق سینیٹر اور پاکستان پیپلز پارٹی ورکرز کے صدر ڈاکٹر صفدر علی عباسی نے بیمار پارٹی کارکن سجاد ببر کے گھر پہنچ کر ان کی عیادت کی اور ان کے لیے نیک خواہشات کا اظہار کیا۔ بعد ازاں ڈاکٹر صفدر علی عباسی نے امتیاز عباسی سے ان کے بہنوئی غلام نبی کے انتقال پر تعزیت کی جبکہ عاقل روڈ پر طالب حسین کلہوڑو کی والدہ کے انتقال پر ان سے تعزیت کی۔ اس موقع پر ڈاکٹر صفدر علی عباسی کا کہنا تھا کہ پارٹی کارکنان ہمارا سرمایہ ہیں، ضروری نہیں کہ صرف الیکشن کے وقت پر انہیں یاد کیا جائے۔ نوجوان سجاد ببر کے لیے دعا ہے کہ وہ جلد صحت یاب ہوکر دوبارہ سے پارٹی سرگرمیوں میں بڑھ چڑھ کر حصہ لیں۔
