مودی کشمیر میں گجرات کی تاریخ دہرانا چاہتا ہے،وزیر اعظم عمران خان

اسلام آباد(آن لائن) وزیراعظم عمران خان نے مقبوضہ کشمیر کی صورتحال پر دنیا کو خبردار کرتے ہوئے کہا ہے کہ مقبوضہ کشمیر میں جو کچھ ہورہا ہے اگر ایسا ہونے دیا گیا تو نتائج خطرناک ہوں گے۔مودی کشمیر میں گجرات کی تاریخ دہرانا چاہتا ہے۔وزیر اعظم عمران خان نے مقبوضہ کشمیرکی صورتحال پر ٹوئٹ کرتے ہوئے کہا ہے کہ مقبوضہ کشمیرمیں12 دن سے کرفیونافذہے، پہلے سے بھارتی فوج کے زیر قبضہ علاقے میں اضافی دستے تعینات ہیں۔ مسلمانوں کے قتل عام کے لیے آر ایس ایس کے غنڈوں کوکشمیر میں بھیجا جارہاہے، مقبوضہ وادی میں مواصلاتی نظام مکمل طورپربند ہے، مودی کے مقبوضہ کشمیر میں اقدامات گجرات میں مسلمانوں کی نسل کشی کی مثال ہے۔وزیراعظم نے مقبوضہ کشمیر کی صورتحال پر خاموش تماشائی بنی دنیا کو جھنجھوڑتے ہوئے کہا کیا دنیا سربیا کی طرح وادی میں ایک اور قتل عام خاموشی سے دیکھے گی؟ کیا دنیا خاموشی سے مقبوضہ کشمیر میں مسلمانوں کی نسل کشی دیکھتی رہے گی؟ دنیا کوخبردار کرناچاہتاہوں اگرایسا ہونے دیاگیاتوخطرناک نتائج ہوں گے ۔مسلم دنیا سے شدید ردعمل اور سنگین نتائج برآمد ہوں گے۔ انتہاء پسندی کو ہوا ملے گی اور تشدد کا نیا دور ابھرے گا۔
عمران خان