سکھر (نمائندہ جسارت) موٹر وے ہیڈ کوارٹر سکھر میں ایس ایس پی موٹر وے غلام سرور بھیو نے قومی پر چم لہرایا، چھوٹے بچوں نے بھی موٹروے پولیس کی وردی پہن کر تقریب میں شرکت کی اور موٹر وے کے اہلکاروں کے ساتھ ملکر پاکستان زندہ باد کے نعرے لگا کر پاکستان سے محبت کا بھرپور اظہار کیا،اس موقع پرموٹروے پولیس کے باوردی افسران اور سویلین اسٹاف نے شرکت کی۔ تقریب کا آغاز تلاوت قرآن پاک سے کیا گیا۔ بعد ازاں قومی ترانہ پڑھا گیا اور سلامی پیش کی گئی، پاکستان اور خصوصاً کشمیری بھائیوں کے لیے دعائیں بھی مانگی گئیں۔ تقریب کے اختتام پر سالگرہ کا کیک کاٹا گیا۔
