سکھر (نمائندہ جسارت) سکھر کے تھانہ آباد کی حدود میں ٹریفک حادثے میں موٹر سائیکل اور کار کے درمیان تصادم کے نتیجے میں موٹر سائکل سوار باگڑجی سکھر کے رہائشی خاندان کا 8 سالہ حماد اللہ جونیجو اور 7 سالہ بچی کشف جاں بحق ہوگئے، جبکہ زخمیوں میں 14 سالہ اسد اللہ جونیجو، خاتون مسمات نصرت شدید زخمی ہوگئے۔ لاش اور زخمی سول اسپتال اور رینجر اسپتال منتقل کیے گئے، کار ڈرائیور کار چھوڑ کر فرار ہوگیا۔ علاوہ ازیں پنوعاقل گوٹھ خیرو انڈھڑ میں گھر کے اندر پانی کی موٹر سے کرنٹ لگنے کے باعث 20 سالہ نوجوان شاہنواز انڈھڑ نوجوان جاں بحق ہوگیا۔
