کراچی (اسٹاف رپورٹر)جدید سائنسی تیکین کے مطابق گول کیپروں کو تیار کرنے کے لئے ، پاکستان ہاکی فیڈریشن چیرمین سلیکشن کمیٹی منظور جونیر اور خواجہ جنید کی مشاورت سے 19 اگست سے 25 اگست اولمپین شاہد علی خان کی زیر نگرانی نیشنل ہاکی اسٹیڈیم ، لاہور میں گول کیپرز ٹریننگ کیمپ لگا رہی ہے۔ گول کیپرز کو ہدایت کی گئی ہے کہ وہ شاہد علی خان ، کیمپ کمانڈنٹ کو اسٹیڈیم میں رپورٹ کریں۔ان گول کیپرز میںمظہر عباس – این بی پی ، وقار یونس – واپڈا ، منیب الرحمن – ایس ایس جی سی ، امجد علی۔ ایس ایس جی سی ، محمد وقار – آرمی ، اکمل حسین۔ واپڈا ، علی رضا۔پنجاب ، راؤ عادل۔ نیوی، حافظ علی عمیر۔ ایس این جی پی ایل ، عبد اللہ – ایم پی سی ایل شامل ہیں۔
