برائن برادرز راجرز کپ ٹینس مینز ڈبلز کوارٹر فائنل میںپہنچ گئے

ٹورنٹو (جسارت نیوز) نامور ٹینس اسٹار برائن برادرز پر مشتمل امریکی جوڑی راجرز کپ ٹینس ٹورنامنٹ مینز ڈبلز کوارٹر فائنل میں پہنچ گئی۔ انہوں نے پری کوارٹر فائنل میچ میں آسٹریلوی مچل وینس اور انکے امریکی جوڑی دار آسٹن کریجک کو شکست دیکر ایونٹ کے کوارٹر فائنل کیلئے کوالیفائی کرلیا۔ کینیڈا میں ایونٹ میں کھیلے گئے مینز ڈبلز پری کوارٹر فائنل میچ میں سابق ٹاپ سیڈڈ امریکی برائن برادرز پر مشتمل جوڑی نے عمدہ کھیل پیش کرتے ہوئے ٹائی بریک پر آسٹریلوی مچل وینس اور انکے امریکی جوڑی دار آسٹن کریجک پر مشتمل حریف جوڑی کو 7-5 اور 7-6(8-6)سے ہرا کر کوارٹر فائنل کے لئے کوالیفائی کرلیا ۔