سکھر (نمائندہ جسارت) سکھر پولیس کا کچے میں ڈاکوؤں سے مقابلہ، بدنام زمانہ ڈاکو گرفتار، سکھر میں دم دمو اسٹاپ گاؤں رکیل جتوئی کے قریب گشت پر مامور اہلکاروں کا ڈاکوؤں سے مقابلہ ہوا، دو ڈاکو گرفتار کر لیے گئے، گرفتار ڈاکوؤں میں دلشیر اور شریف جتوئی شامل ہیں جن سے اسلحہ برآمد کر لیا گیا ہے، گرفتار ڈاکو شاہ بیلو کچے سے سیلابی صورتحال کے باعث ڈاکو کشتی کے ذریعے فرار ہونے کی کوشش کررہے تھے۔ ڈاکوؤں نے بند کے قریب گشت موجود پولیس پارٹی پر فائرنگ شروع کردی جوابی فائرنگ میں دو بدنام زمانہ ڈاکوؤں کو گرفتار کرلیا۔ ملزمان کے قبضے سے ٹی ٹی پستول، میگزین برآمد کرلے گئے جبکہ ایک ڈاکو فرار ہونے میں کامیاب ہوگیا۔ دیگر ڈاکوؤں کی گرفتاری و تعاقب کے لیے پولیس کی بھاری نفری طلب کر کے علاقے میں سرچ آپریشن کیا جارہا ہے۔ ملزمان سے تفتیش اور دیگر اضلاع سے کریمنل ریکارڈ معلوم کیا جا رہا ہے۔
