سکھر پولیس کا کارنامہ، دوپہر کو موٹرسائیکل چرانے والا شام کو گرفتار

سکھر(آن لائن) پولیس نے پھرتی دکھاتے ہوئے دوپہر کو موٹرسائیکل چوری کرنے والے ملزم کو شام میں ہی گرفتار کرلیا گیا، کندھرا لنک روڈ پرمقابلے کے بعد زخمی حالت میں گرفتارکیا،2ساتھی فرار،اسلحہ و مسروقہ موٹرسائیکل برآمد کرلی گئی۔ ترجمان سکھر پولیس کے جاری کردہ بیان کے مطابق ہفتے کی سہ پہر شہر کے وسط میں ساتھیوںکے ہمراہ موٹرسائیکل چوری کرنے والے ملزم کوہفتے کی شام ہی میںپیالہ ہوٹل کے قریب مقابلے کے بعد زخمی حالت میں گرفتار کرلیا گیا، جبکہ ملزم کے دونوں ساتھی فرار ہوگئے، جن
کی گرفتاری کیلیے چھاپے مارے جارہے ہیں،گرفتاری سی سی ٹی وی فوٹیج کی مدد سے عمل میں آئی ، گرفتار ملزم سے ایک پستول ، میگزین ، 4گولیاں اور مسروقہ موٹرسائیکل برآمد کرلی، ملزم موٹرسائیکل چوری سمیت دیگر سنگین مقدمات میں مطلوب تھا۔
موٹرسائیکل چور گرفتار