ٹھٹہ میں بگھاڑ موری کے قریب کوسٹر الٹنے سے تین بچوں سمیت چار افراد جاں بحق اور 15 زخمی ہو گئے۔
رپورٹ کے مطابق ٹھٹہ میں بگھاڑ موری کے قریب کوسٹر الٹنے کا حادثہ گڑھے میں گرنے کے باعث پیش آیا جس کے نتیجے میں تین بچوں سمیت 4 افراد موقع پر ہی دم توڑ گئے۔حادثے میں 15 افراد بھی زخمی ہوئے جن میں خواتین اور بچے شامل ہیں، تمام زخمیوں اور لاشوں کو سول اسپتال ٹھٹہ منتقل کر دیا گیا ہے۔
حادثے میں جاں بحق ہونے والے تمام افراد کا تعلق کراچی کے علاقے اورنگی ٹاؤن سے بتایا جاتا ہے، جو پِکنک منانے کے لیے کینجھر جھیل جا رہے تھے۔
