نوابشاہ، مسلح افراد کاگھر پر حملہ، خنجروں کے وار سے ایک شخص زخمی، ایک گرفتار

نوابشاہ (ڈسٹرکٹ رپورٹر) مسلح افراد کاگھر پر حملہ، خنجروں کے وار سے ایک شخص شدید زخمی، پولیس نے فوری کارروائی کرتے ہوئے ایک شخص کو گرفتار کرلیا، دیگر افراد کی گرفتاری کے لیے چھاپا، مسلح افراد کے حملے سے علاقے میں خوف و ہراس۔ مسلح افراد نے ایسر پورہ کے علاقے میں نعیم انصاری کے گھر پر حملہ کردیا اور خنجروں کے پے درپے وار کرکے فیضان انصاری کو شدید زخمی کردیا، جس کو نازک حالت میں پیپلز میڈیکل اسپتال میں داخل کرایا گیا، جہاں پر اس کی حالت نازک بتائی جاتی ہے، حملے کی زد میں آکر وسیم انصاری اور ان کی اہلیہ بھی زخمی ہوگئے۔ مسلح افراد خنجروں، لوہے کی راڈوں سے مسلح تھے۔ ائرپورٹ پولیس نے فوری کارروائی کرتے ہوئے ایک ملزم کو گرفتار کرلیا جبکہ باقی افراد کی گرفتاری کے لیے چھاپے مارے جارہے ہیں۔ زخمی نعیم انصاری نے ایس ایس پی نوابشاہ اور حکام سے ملزمان کیخلاف کارروائی کا مطالبہ کیا ہے۔