لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے مختلف علاقوں میں جرائم پیشہ افراد کیخلاف کارروائیاں کرتے ہوئے سنگین نوعیت کے مقدمات میں اشتہاری، روپوش و مطلوب 18 ملزمان کو گرفتار کرکے اسلحہ، منشیات، موٹر سائیکل اور موبائل فونز برآمد کرکے مقدمات درج کرلیے۔ سول لائن پولیس نے دوران چیکنگ ملزم ضمیر شیخ کو پستول اور گولیوں سمیت، باقرانی پولیس نے دوران چیکنگ دو ملزمان شبیر اور امیدہ خاتون کو 3 کلو چرس اور موٹر سائیکل سمیت، دڑی پولیس نے دوران چیکنگ اسٹیشن روڈ سے ملزم اکبر گوپانگ کو چرس سمیت، حیدری پولیس نے دوران چیکنگ ذوالفقار باغ سے ملزم سکندر جھتیال کو چرس سمیت، رشید وگن پولیس نے دوران چیکنگ جانوری سم شاخ سے ملزم حفیظ شیخ کو چرس سمیت، علی گوہر آباد پولیس نے دوران چیکنگ انب لاڑو سے ملزم غمٹھار جتوئی کو بھنگ سمیت، سیہڑ پولیس نے دوران چیکنگ ضلع دادو کے اشتہاری ملزم جلال عمرانی، اللہ آباد پولیس نے دوران چیکنگ روپوش ملزم قربان ابڑو کو گرفتار کرلیا۔ دوسری جانب ڈوکری پولیس نے جوئے کے اڈے پر چھاپا مار کر 9 جواریوں وسیم، شاہن، آصف، شمن، خالد، حاجن اشرف، منظور اور نادر کو نقدی اور موبائل فونز سمیت گرفتار کرلیا۔ پولیس کے مطابق گرفتار تمام ملزمان کیخلاف مقدمات درج کرکے تفتیش شروع کردی گئی ہے۔
