شکارپور (نمائندہ جسارت ) شکارپور کے تین لاپتا بچے فیصل آباد سے بازیاب ، تین دن پہلے لاپتا ہونے والے اسٹور گنج تھانے کی حدود محلہ صدیق ماڑی کے 3 بچے فیصل آباد سے مل گئے ہیں۔ 12 سالا جاوید بھٹو، 10 سالا ارسلان برڑو اور 9 سالہ غلام مصطفی بھٹو گزشتہ روز فیصل آباد ریلوے اسٹیشن پر پولیس کو ملے تینوں معصوم بچوں کو فیصل آباد ریلوے پولیس نے اپنی تحویل میں لے کر بچوں کو چائلڈ پروٹیکشن اینڈ ویلفیئر بیورو فیصل آباد کے حوالے کردیا۔ تینوں بچے چائلڈ پروٹیکشن اینڈ ویلفیئر بیورو فیصل آباد کے ہاں محفوظ ہیں بچوں کے والدین بچوں کو لینے کے لیے فیصل آباد روانہ ہوگئے ہیں۔
