لاڑکانہ (نمائندہ جسارت) پولیس ٹریننگ اسکول کے تین زیر تربیت کیڈٹس گرمی کی شدت کے باعث بے ہوش ہوگئے۔ پولیس ٹریننگ اسکول میں زیر تربیت کیڈٹس ضمیر عباسی، شاہد ملک اور محمد شریف تحصیل ڈوکری کے گاؤں حسن واہن میں دوران کام گرمی کی شدت برداشت نہ کرتے ہوئے بے ہوش ہوگئے، جنہیں طبی امداد کے لیے چانڈکا اسپتال کے شعبہ حادثات منتقل کردیا گیا۔ جہاں پولیس کے تینوں کیڈٹس کو فوری طور پر طبی امداد دے کر ہوش میں لایا گیا۔
