اسلام آباد(صباح نیوز)وفاقی وزیر ریلوے شیخ رشید نے ایک اور نئی ٹرین چلانے کا اعلان کرتے ہوئے کہا ہے کہ وزیراعظم 19جولائی کو نیازی ایکسپریس کا افتتاح کریں گے۔وفاقی وزیر ریلوے شیخ رشید نے ایک اور نئی ٹرین چلانے کا اعلان کردیا۔ اپنے وڈیو پیغام میں انہوں نے کہا کہ وزیراعظم میانوالی ریلوے اسٹیشن پر نیازی ایکسپریس کا افتتاح کریں گے۔ یہ ٹرین لاہور تا میانوالی کا سفر طے کرے گی کل ریلوے ٹریک کا معائنہ خود کروں گا۔شیخ رشید نے کہا کہ نیازی ایکسپریس کے ساتھ اے سی کوچز کی سہولت بھی فراہم کی گئی ہے۔ اے سی کوچ کا ٹکٹ 800روپے جبکہ اکانومی کلاس کا ٹکٹ 350روپے کا ہوگا۔وزیر ریلوے نے مزید کہا کہ کئی سال بعد یہ ریلوے کی تاریخ میں بہت بڑا اضافہ ہوگا، جس سے علاقے کے عوام مستفید ہوں گے۔
